बिर्तामोड । झापाको दमकमा वुधबार राती एक युवाको हत्या भएको छ । अज्ञात व्यक्तिले धारिलो हतियार प्रहार गर्दा दमक २ का २५ बर्षीय प्रकाश पराजुलीको मृत्यु भएको प्रहरीले जनाएको छ ।

वुधबार साँझ दमकस्थित एक मार्केटमा घाँटीमा धारिलो हतियारको प्रयोगबाट घाइते भएका पराजुलीलाई लाइफ लाइन अस्पताल दमक लगिएकोमा त्यहाँबाट बिएण्डसी अस्पताल बिर्तामोड पठाइएको थियो । पराजुलीको उपचारको क्रममा ८:५० बजे अस्पतालमा मृत्यु भएको जिल्ला प्रहरी कार्यालय झापाका प्रवक्ता सन्तोष पाठकले जानकारी दिए ।

घटनाको सम्बन्धमा थप अनुसन्धान भइरहेको प्रहरीले जनाएको छ ।