बिर्तामोड । चितवनमा कारखाना रहेको एपोलो पेन्ट्सले झापाका पेन्टरहरुलाई पुरस्कार वितरण कार्यक्रम सम्पन्न गरेको छ । पेन्ट्सले एपोलो प्रयोग गर्ने उत्कृष्ट पेन्टरहरुलाई पुरस्कृत गरिएको जनाएको छ ।

एपोलो पेन्ट्सका मार्केटिङ प्रमुख रोशन पन्तले २०६१ सालबाट उत्पादन हुँदै आएको पेन्ट्स नेपालका सबै क्षेत्रमा पुगेको बताए ।

कम्पनीले झापाका उत्कृष्ट पेन्टरलाई ब्ल्याङ्केटदेखि मोटरसाइकलसम्म वितरण गरेको छ । पन्तका अनुसार कम्पनीले पेन्टर जितेन्द्र सहनीलाई सुपर स्प्लेण्डर मोटरसाइकल प्रदान गरेको छ । कम्पनीको लक्ष्य ४ अन्तर्गत करिब एक सय पेन्टरहरुलाई पुरस्कृत गरिएको उनले बताए ।

पेण्टरहलाई प्रोत्साहन गर्ने उद्धेश्यले वासिङ मेस्सिन २ जना, फ्रीज ९ जना, साउण्ड सिस्टम ३ जना, मोबाइल २० जना, मिक्स्चर ५ जना, साइकल १२ जना र ब्ल्याङ्केट ४० जनालाई वितरण गरिएको कार्यक्रमका अध्यक्ष एपोलो पेन्ट्सका मेची अञ्चल बिक्रेता डिल्लीराम कोइरालाले जानकारी दिए ।

कार्यक्रममा कम्पनीका केमिष्ट राम आसय यादव, पाथिभरा ट्रेड कन्सर्नका संचालक मोहन खतिवडा लगायत एपोलो कलर बिक्रेता सहित सय जना बढी पेन्टरहरुको उपस्थिती रहेको थियो ।