बिर्तामोड । नेपालका लागि युरोपको चर्चित अटोमोबाइल्स ब्रान्ड ‘स्कोडा’को कार बिर्तामोडको हलेसी अटोमोबाइल्सले बिक्री शुरु गरेको छ । हलेसीले आफ्नो शोरुमको बुधबार एक कार्यक्रमका बिच औपचारिक शुभारम्भ गरेको हो । शोरुम रुद्रमणी श्रेष्ठ र चुडामणी पौडेलले संयुक्त रुपमा सञ्चालनमा ल्याएका हुन । 

स्कोडाको आधिकारिक विक्रेता मोरङ अटो वर्क्स इन्टरप्राइजेजले बिर्तामोडमा नयाँ स्टेट–अफ–द–आर्ट थ्रिएस (सेल्स सर्भिस र स्पेयर्स) फेसिलिटी सुरु गरेको छ । अब हलेसी अटोमोबाइल्सले पूर्वी नेपालमा स्कोडाको विक्री र विक्रीपछिको सेवाको जिम्मेवारी पाएको हो ।

सन २००८ देखि नेपाली बजारमा स्कोडाको बिक्री गर्दै आएको मोरङ अटो वर्क्स (एमएडब्लु) ले आफ्नो पकड बलियो बनाउन र स्कोडा कारको उपलब्धता बढाउन डिलर सञ्जाललाई विस्तार गर्दै आएको छ ।

स्कोडाको नयाँ सोरुमको उद्घाटन बिर्तामोड नगरपालिकाका उपमेयर पबित्रा महतरा र मोरङ अटो वर्क्स इन्टरप्राइजेज स्कोडा डिभिजनका कार्यकारी निर्देशक रौनक अग्रवालले संयुक्त रुपमा गरेका थिए ।

कार्यक्रममा बोल्दै हलेसी अटो मोबाइल्सका प्रबन्ध निर्देशक चुडामणी पौडेलले आफ्नो शोरुमबाट उच्चस्तरको सेवा प्रदान गर्ने प्रतिबद्धता जनाए । हालसम्म स्कोडाको ३० वटा कार बिक्री भैसकेको बताएका पौडेलले प्रतिनिधिमुलक रुपमा अम्बिका पोखरेल र युवराज न्यौपानेलाई चाबी हस्तान्तरण गरिएको थियो ।

सन् १८९५ मा साइकलबाट शुरु गरेको स्कोडाले पछिल्लो समय लक्जरियस गाडी उत्पादन गर्दै आएको बताइएको छ । हाल नेपाली बजारमा ३६ लाख ९० हजारदेखि १ करोड ७० लाखसम्मका विभिन्न भेरिएन्टका स्कोडा कार उपलब्ध रहेको छ । 

स्कोडाको नयाँ डिलर हलेसी अटोमोबाइल्सले दुई दिने विशेष ‘टेस्ट ड्राइभ इभेन्ट’ पनि आयोजना गर्दैछ । ‘यो अवधिमा स्कोडा कार बुकिङ गर्ने ग्राहकले आकर्षक ‘क्यास डिस्काउन्ट’, निःशुल्क सडक कर, ‘एक्सचेन्ज बोनस को सुविधा पाउनुहुनेछ,’ हलेसी अटोमोबाइल्सका प्रबन्ध निर्देशक पौडेलले बताए ।