झापा । झापा र सुनसरीको दुई छुट्टाछुट्टै स्थानमा सोमवार भएको सवारी दुर्घटनामा परी दुई जनाको मृत्यु भएको छ ।
झापाको झापा गाउँपालिका-१ रसुनामा हिजो बिहान भएको सवारी दुर्घटनामा घाईते भएका बिरगञ्ज नगरपालिका-५ बाराका २२ बर्षीय गनिया अबदुल मियाको उपचारको क्रममा बेलुका साढे ७ बजे बिएण्डसी अस्पताल बिर्तामोडमा मृत्यु भएको प्रहरीले जनाएको छ । रसुनाको भित्री सडक खण्डमा उत्तरबाट दक्षिण तर्फ जादै गरेको ना ४ त ७६६७ नम्बरको ट्याक्टर आफै अनियन्त्रीत भई सडकमा दुर्घटना हुँदा ट्याक्टरका सह चालक मिया घाईते भएका थिए ।
यसैगरी सुनसरीको धरान उपमहानगरपालिका-१५ मा रोकेर राखेको ट्रकमा मोटरसाईकल ठोक्किदा चालकको मृत्यु भएको छ । सोमवार राती साँढे ६ बजे धरान-१५ को आरालाईनमा रोकी राखेको ना ७ ख ११५८ नम्बरको ट्रकमा बा ५८ प ८३२८ नम्बरको मोटरसाईकल आफै ठोक्किएर दुर्घटना हुँदा चालक भक्तपुर घर भई धरान -१५ बस्ने ४२ बर्षीय राजेश सिजापती घाईते भएका थिए । घाईतेलाई उपचारको लागी घोपा लगिएकोमा उपचारकोमा क्रममा सिजापतीको राति नै मृत्यु भएको प्रदेश प्रहरी कार्यालय बिराटनगरले जनाएको छ ।