भद्रपुर । झापामा गठबन्धन दल र राष्ट्रिय प्रजातन्त्र पार्टीबिच तालमेल गर्ने बिषयमा छलफल चलिरहेको बेला  राप्रपाले भद्रपुर नगरपालिकाको उम्मेद्वार घोषणा गरेको छ । आज एक कार्यक्रमका बिच राप्रपाले नगर प्रमुख, उपप्रमुखसहित ५२ वटै पदका लागि उम्मेद्वार घोषणा गरेको हो ।

राप्रपाले भद्रपुरको प्रमुखमा नवराज पनेरु (राजु) र उपप्रमुखमा राधा कार्कीलाई उम्मेदवार वनाएको छ । नगरका प्रमुख र उपप्रमुख सहित १० वटा वडाको ५२ वटै पदमा उम्मेदवार घोषणा गरेको हो ।

भद्रपुर–४ मा रहेको चन्द्र मौलेश्वर शिव पान्चायन मन्दिर परिसरमा भएको उम्मेदवार घोषणा कार्यक्रममा राप्रपा झापाका झापा अध्यक्ष केशव ओझाले उम्मेदवारहरूको नाम घोषणा गरेका हुन् ।

गत स्थानीय तह निर्वाचनमा पनि राप्रपाको तर्फबाट नगर अध्यक्षका उम्मेद्वार बनेका पनेरुले २,८२२ र उपप्रमुखका उम्मेद्वार कार्कीले ३,२७७ मत प्राप्त गरेका थिए । उक्त निर्वाचनमा नगरमा राप्रपा चौथो दल बनेको थियो ।

राप्रपाले भद्रपुरको एक देखि १० नम्बर वडासम्म क्रमशः दलवहादुर लिम्बू (शंकर), रामवहादुर राई, हेमवहादुर कार्की, दिनानाथ (शंकर) रिजाल, देवकुमार घिमिरे, ढकवहादुर विष्ट, अभिषेक ढुंगाना, गणेशप्रसाद लिम्बू, ज्ञानबहादुर राई ुसविनु र खेमराज भट्टराईलाई वडाध्यक्षको प्रत्यासीमा चयन गरेको छ ।

पार्टीका नगर अध्यक्ष तथा उपप्रमुखका उम्मेदवार राधा कार्कीको अध्यक्षतामा भएको कार्यक्रमको प्रमुख अतिथी पार्टी प्रवक्ता भक्तिप्रसाद सिटौला रहेका थिए ।