काठमाडौं । सत्तारुढ गठबन्धनमा महानगर र उपमहानगरको नेतृत्व लिने विषयमा सहमति भएको छ ।  साझेदार पाँच दलबीच स्थानीय तह निर्वाचनमा महानगरपालिका र उपहानगरपालिकामा चुनावी तालमेल गरेर जाने सहमति भएको हो ।

सहमति पश्चात अब गठबन्धनमा देखिएको असहमति हल भएको तथा निर्वाचनमा एकढिक्का भएर जाने वातावरण तय भएको छ ।  गठबन्धनको सहमतिसँगसँगै प्रतिगामी र परिवर्तन विरोधी कित्तामा खैलाबैला मच्चिएको छ । गठबन्धनको हिजोदेखि भएको निरन्तर बैठक र छलफलले गठबन्धनको एकता थप सुदृढ भएको छ भने यसले नेपाली राजनीतिमा सकारात्मक तरंग पनि पैदा गरेको बैठकमा सहभागी एक नेताले बताए ।

वुधबार प्रधानमन्त्रीको सरकारी निवास बालुवाटारमा भएको गठबन्धनको बैठकमा सहमति बनेपछि पाँच दलका शिर्ष नेताले सहमतिपत्रमा हस्ताक्षर गरेका छन् । 

पाँच दलका शीर्ष नेताहरु शेरबहादुर देउवा, पुष्पकमल दाहाल ‘प्रचण्ड’, माधवकुमार नेपाल, उपेन्द्र यादव र दुर्गा पौडेलले हस्ताक्षर गरेको सहमति पत्रमा महानगर र उपमहानगरको प्रमुख र सहायक नेतृत्व कसले गर्ने भन्ने विषय उल्लेख छ ।

सहमतिअनुसार नेकपा (माओवादी केन्द्र)ले भरतपुर महानगरपालिकाको प्रमुख पदमा उम्मेदवारी दिने र जितपुर सिमरा तथा घोराही उपमहानगरपालिकाको प्रमुख पदमा उम्मेदवारी दिने भएको छ । साथै, ललितपुर महानगरपालिका र धरान तथा धनगढी उपमहानगरपालिकामा उपप्रमुख पदमा माओवादी केन्द्रले उम्मेदवारी दिने भएको छ ।

काँग्रेसले काठमाडौं, ललितपुर, विरागनगर महागरपालिका र धरान, इटहरी, कलैया, बुटवल, तलसिपुर, नेपालगञ्ज तथा धनगढी उपमहागरपालिकाहरुमा प्रमुख पदमा उम्मेदवारी दिने भएको छ ।

त्यस्तै, वीरगञ्ज, भरतपुर, पोखरा महानगरपालिका र जितपुर सिमरा, घोराही तथा हेटौँडा उपमहानगरपालिहरुमा उपप्रमुख पदमा काँग्रेसले उम्मेदवारी दिने भएको छ ।

पाँच दलबीच भएको सहमति अनुसार पोखरा महागरपालिका र हेटौंडा उपमहागरपालिकामा नेकपा (एकीकृत समाजवादी) पार्टीले प्रमुख पदमा उम्मेदवारी दिने सहमति भएको छ । साथै, काठमाण्डौ महागरपालिका र इटहरी, बुटवल तथा तुलसीपुर उपमहागरपालिकाको उपप्रमुख पदमा एकीकृत समाजवादीले उम्मेदवारी दिने सहमति भएको हो ।

सहमतिअनुसार वीरगञ्ज र विराटनगर महानगरपालिमामा जनता समाजवादी पार्टी (जसपा)ले प्रमुख पदमा उम्मेदवारी दिने भएको छ । साथै, जनकपुर, कलैया र नेपालगञ्ज उपमहानगरपालिकामा उपप्रमुख पदमा जसपाले उम्मेदवारी दिने सहमति पाँच दलबीच भएको हो ।

हेर्नुहोस सहमति पत्र