दमक । नेकपा एमालेका तर्फबाट वडा सदस्य पदका उम्मेदवारले उम्मेदवारी फिर्ता लिएको घोषणा गरेका छन् । दमक नगरपालिका वडा नम्बर ७ का एमालेको तर्फबाट वडा सदस्य पदका उम्मेदवार गुमानसिंह तामाङ्गले आफुले उम्मेदवारी फिर्ता लिएको घोषणा गरेका हुन् ।

आज एक विज्ञप्ति जारी गर्दै तामाङ्गले उम्मेदवारी फिर्ता लिएको जनाएका हुन् । दमकमा चुनावी घरदैलो कार्यक्रममा जाँदा वडाबासीको सद्भाव तथा समर्थन संयुक्त गठबन्धन दललाई देखिएको भन्दै उनले आफुले उम्मेदवारी फिर्ता लिएको घोषणा गरेका हुन् । नगरप्रमुख पदमा राम थापा, उपप्रमुख पदमा रेगिना भट्टराई (प्रसाईँ) र वडाध्यक्ष पदमा भीम पौडेललाई नगरबासीको व्यापक जनसमर्थन देखिएको र त्यहि समर्थन तर्फ लाग्नु उचित भएको महशुस गरेको विज्ञप्तिमा उल्लेख छ । उनले नेकपा एमालेको साधारण सदस्यसमेत नरहने गरी राजीनामाको घोषणा गर्दै आजैदेखि गठबन्धन दललाई सघाउने घोषणासमेत गरेका छन् ।