बिर्तामोड । नेकपा एमाले झापाका अध्यक्ष दीपक कार्कीको घरमा बम फेला परेको छ । कार्कीको गौरादह नगरपालिका स्थित घरको गेट अगाडि कुकर बम फेला परेको हो।

अध्यक्ष कार्कीले सामाजिक सञ्जालमार्फत घरको गेट अगाडि बिहान ५ः३० बजे तार जडित कुकर फेला परेको जानकारी छन् । उनले पुरानो कुकरमा तार जडान गरिएको अवस्थामा रहेको बताए । कुकर कसले राखेको हो भन्ने खुलिनसकेको इलाका प्रहरी कार्यालय दमकका प्रमुख प्रहरी नायव उपरीक्षक दिलिपकुमार गिरीले जानकारी दिए । घटनास्थलमा प्रहरी पुगिसकेको र बम डिस्पोजको लागि नेपाली सेनालाई खबर गरेको साथै घटनाको अनुसन्धान भैरहेको उनले बताए ।