बिर्तामोड । विद्यालय उमेर समूहका विद्यार्थीहरुको प्रतिभा प्रस्फुटन गराउने उद्धेश्यले आयोजित गायन प्रतियोगिता ‘सहारा सिङिङ्ग आइकन’ को ग्राण्ड फिनाले मंगलबार हुँदैछ । कार्यक्रम बिर्तामोड–२ चारपानेस्थित सहारा नेपालको सभाहलमा हुन लागेको हो ।

बिर्ता लेडि जेसिजले आयोजना गरेको प्रतियोगिताको सोमबार अडिसन सम्पन्न भएको छ । अडिसनमा सहभागी ३८ जना प्रतियोगीबाट ११ जना ग्राण्ड फिनालेमा छानिएको बिर्ता लेडि जेसिजकी अध्यक्ष जेसी संगीता गिरीले जानकारी दिइन् ।

संगीत साधना केन्द्र सुरुङ्गाकी प्रशिक्षक तुलसा पाठक र सनलाइन म्युजिकका प्रबन्धक जोनी तामाङ प्रतियोगिताको निर्णायक रहेका छन् ।

सहारा नेपाल साकोसले कार्यक्रमको प्रायोजन गरेको जेसिजकी महासचिव जेसी निशा शाक्यले जानकारी दिइन् ।

जेसी संगीता  गिरीको अध्यक्षता र बरिष्ठ गीतकार शिवशंकर थापाको प्रमुख आतिथ्यमा अडिसन सम्पन्न भएको थियो ।