बिर्तामोड । नेपाली कम्युनिष्ट पार्टी बिर्तामोडले झापा २ का लागि उम्मेदवार सिफारिस गरेको छ । मंगलबार बसेको नगर कमिटीको बैठकले क्षेत्रीय समितिमा पठाउने नाम सिफारिस गरेको हो ।

आगामी निर्वाचनमा प्रतिनिधिसभा सदस्यका लागि झापा २ बाट समितिले प्रत्यक्षतर्फ हरिबोल गजुरेल, धर्मशिला चापागाई, हरिकुमार राना, ज्योतिसिंह दर्लामी र प्रज्वल कडरियाको नाम सिफारिस गरेको छ । कडरिया जेनजी उम्मेदवारको रुपमा सिफारिसमा परेका हुन् ।

त्यस्तै समानुपातिकतर्फ महिलामा निरु खतिवडा र पुरुषमा खड्ग कन्दङ्बा त्यस्तै राष्ट्रिय सभाका लागि लोकबन्धु कन्दङ्बाको नाम सिफारिस गरिएको बिर्तामोड नगर कमिटी अध्यक्ष मोहन सुब्बाले जानकारी दिए ।

नगरले उक्त नामावली क्षेत्रीय समितिमा पठाउने सुब्बाले बताए ।