बिर्तामोड । झापाको बिर्तामोडस्थित महेन्द्र रत्न मावि अनारमनीको पूर्व विद्यार्थी समाजको अध्यक्षमा मदनगोपाल सुब्बा चयन भएका छन् । समाजको आज सम्पन्न अधिवेशनबाट सुब्बा अध्यक्ष पदमा सर्वसम्मत चयन भएका हुन् । 

समाजको आज सम्पन्न  तेस्रो साधारणसभा तथा दोस्रो अधिवेशनले सुब्बाको अध्यक्षतामा नयाँ कार्य समिति चयन गरेको हो ।

समितिको उपाध्यक्षमा रुपक थापा, सचिव  भूविक्रम बस्नेत, कोषाध्यक्ष नरेश न्यौपाने चयन भएका छन् । त्यस्तै सदस्यहरु भावना आचार्य, शारदा न्यौपाने, ईन्दीरा भट्टराई, शान्ता चुडाल, शोभा आचार्य, कमलराज बिमली, शुसिल बस्नेत, बाबुलाल अग्रवाल, कृष्णलाल राजवंशी, गोपाल दाहाल र किशोर मैनाली रहेका छन् । नयाँ कार्यसमितिको पदावधी दुई बर्षको रहनेछ ।

कार्यक्रममा चार जना शिक्षकलाई सम्मान गरिएको थियो । वर्तमान प्रधानाध्यापक खड्गप्रसाद खरेल, नेत्र प्रसाद खरेल, भोजराज दाहाल र युवराज कट्टेललाई सम्मान गरिएको थियो । प्रमुख अतिथी विद्यालयका पूर्व प्रधानाध्यापक देवेन्द्र गौतम र प्रधानाध्यापक खड्गप्रसाद खरेलले शुभकामना मन्तव्य राखेका थिए । कार्यक्रममा समाजद्वारा प्रकाशित महेन्द्र रत्न प्रेरणा पुञ्ज स्मारिका विमोचन गरिएको थियो । समाजको अक्षय कोषमा हालसम्म १७ लाख जम्मा भएको र १ सय ५१ जना पूर्व विद्यार्थी  आजिवन सदस्य रहेको काजी बुढाथोकीले जानकारी दिए ।

संस्थाको अक्षयकोषमा ५ हजार ५ सय प्रदान गर्ने सदस्यलाई संस्थाको आजिवन सदस्य बनाइने ब्यवस्था गरिएको डा। लक्ष्मीप्रसाद मैनालीले जानकारी दिए । २०१४ सालमा स्थापना भएको यस विद्यालयले ०२७ सालदेखि विद्यार्थीलाई प्रवेशिका परिक्षामा सहभागी गराएको थियो । 

समाजका संस्थापक अध्यक्ष राजकुमार पोखरेलको अध्यक्षतामा सम्पन्न कार्यक्रमको प्रमुख अतिथी विध्यालय ब्यवस्थापन समिति अध्यक्ष हरीचरण शिवाकोटी रहेका थिए ।

कार्यक्रमको सञ्चालन मोहन शिवाकोटी र स्वागत मदन गोपाल सुब्बाले गरेका थिए ।