झापा । झापाको चन्द्रगढी विमानस्थलमा भएको बुद्ध एयरको विमान दुर्घटनाको छानबिनका लागि सरकारले अनुसन्धानकर्ता तोकेको छ । बरिष्ठ क्याप्टेन बिनोद पुरीलाई अनुसन्धानकर्ता तोकेको हो ।

मन्त्रिपरिषद्को पुस २१ को निर्णयअनुसार, पुस १८ गते चन्द्रगढी विमानस्थलमा दुर्घटना भएको बुद्ध एयरको 9N-AMF विमान दुर्घटनाको जाँचबुझ गरी ४५ दिनभित्र प्रतिवेदन पेस गर्ने जिम्मेवारी तोकिएको हो ।

गैर सैनिक हवाई उडान (दुर्घटना जाँच) नियमावली, २०७१ को नियम ९ को उपनियम (२) बमोजिम बरिष्ठ क्याप्टेन पुरीलाई उक्त दुर्घटनाको अनुसन्धानकर्ता तोकिएको छ ।

एक इञ्जिनियर र चार चालक दलका सदस्य र ५१ जना यात्रु बोकेको उक्त जहाज धावनमार्गबाट चिप्लिएर दुर्घटना भएको थियो । जहाज दुर्घटनामा परेपनि मानवीय क्षति भने भएको थिएन ।