बिर्तामोड । नेपाली कम्युनिस्ट पार्टीका केन्द्रीय सदस्य तथा इलाम जिल्ला इञ्चार्ज, पूर्व प्रदेशसभा सदस्य धिरेन्द्र शर्मा ‘रमण’ ले पार्टी परित्याग गरेका छन् । इलामका स्थापित नेताका रूपमा परिचित शर्माले करिब तीन दशक लामो संगठनात्मक आबद्धताको अन्त्य भएको घोषणा गरेका हुन् ।

शर्माले सामाजिक सञ्जाल फेसबुकमार्फत आफ्नो धारणा सार्वजनिक गर्दै लेखेका छन्, ‘करिब तीस वर्षको संगठनात्मक आबद्धताको अन्त्य । गणतन्त्रपछि अब समाजवादको यात्रा ।

स्रोतका अनुसार शर्मा प्रगतिशील लोकतान्त्रिक पार्टी (प्रलोपा) मा आबद्ध हुने तयारीमा रहेका छन्। यद्यपि, यस विषयमा शर्माले औपचारिक घोषणा भने गरिसकेका छैनन् ।

शर्माकी श्रीमती लक्ष्मी न्यौपाने ‘सरु’ यस अघि नै प्रलोपामा आबद्ध भइसकेकी छन् ।