बिर्तामोड । नेपाली कांग्रेसका पूर्वनेता अमरेशकुमार सिंह राष्ट्रिय स्वतन्त्र पार्टीमा आबद्ध हुने भएका छन् । रास्वपाले आगामी सोमबार जनकपुरबाट सुरु गर्न लागेको पहिलो चुनावी सभाबाट उनी पार्टीमा आबद्ध हुन लागेका हुन्  ।

सोही सभाबाट आफुले नयाँ राजनीतिक अध्यायको सुरुवात गर्ने उनले जनाएका छन्।

सिंहले फेसबुकमा लेखेका छन् –

यहि माघ ५ गते जगत जननी माता सिताको जन्मस्थल जनकपुरधाममा हुने राष्ट्रिय स्वतन्त्र पार्टीको कार्यक्रमबाट आफ्नो नयाँ राजनितिक अध्यायको सुरुवात गर्दैछु । देश र मधेशमा रहेको भ्रष्टाचार कुशासनबिरुद्ध हिजो स्वतन्त्र रहदा उठाएको आवाज अब अझ बुलन्द हुनेछ। साथै म लगायत देश र मधेशको हित चाहने मधेशमा शिक्षा स्वास्थ्य रोजगार र भौतिक पुर्वाधार को बिकास चाहने सम्पुर्ण आमाबुवा तथा दिदिबहिनीहरुलाई यसै कार्यक्रम मार्फत जुडन आह्वान गर्दछु ।