झापा । जेनजी आन्दोलनका बेला कारागारबाट भागेका एक जनालाई प्रहरीले पाँचथरबाट पक्राउ गरेको छ । यससँगै हालसम्म कारागारबाट भागेर लुकिछिपी बस्दै आएका १३ जना कैदीबन्दी पाँचथरबाट पक्राउ परिसकेका छन् ।

शुक्रबार तुम्बेवा गाउँपालिका–२ बाट एक जनालाई पक्राउ गरिएको प्रहरीले जानकारी दिएको छ । सुनसरीको झुम्का कारागारबाट भागेका ३५ वर्षीय रमेश लावतीलाई प्रहरीले पक्राउ गरेका हो ।

कर्तव्य ज्यान मुद्धामा दोषी ठहर भई सजाय भोगिरहेका उनलाई प्रहरीले गाउँबाटै पक्राउ गरेको हो । २५ वर्ष सजाय पाएका उनले ७ वर्ष कैद भुक्तान गरिसकेका छन् । उनी घर आएको गोप्य सूचनाका आधारमा प्रहरीले पक्राउ गरेको हो ।