लक्ष्मीपुर । नेपालकै चर्चित रियालिटी शो द भ्याइस अफ किड्स सिजन ३ को भोटिङ राउण्डमा  पुगेका अश्विन भारतीलाई भोट गरिदिन भारती बन्धु एकता समाज नेपालले आग्रह गरेको छ ।

झापाको मेचीनगर नगरपालिका वडा नम्बर ३ स्थित बाहुण्डाँगी घर भई हाल बिर्तामोडको निदी सेकेन्डरी स्कुलमा कक्षा ७ मा अध्ययनरत अश्विन टप २४ मा पर्न सफल भएका छन् ।

उनलाई भोट दिएर हौसला प्रदान गरी अझ अगाडी बढ्न समाजले भोट गरिदिन सवैमा आग्रह गरेको हो । सुमधुर स्वरका धनि अश्विनले एकपछि अरुको मन जित्दै गायन यात्रालाई अगाडी बढाउँदै आएका छन् ।

उनी बिजेता बने झापाकै गौरव बढ्ने भएकाले पनि सम्पूर्ण झापाबासीसहित दशनामी बन्धुहरुलाई भोट गरिदिन भारती बन्धु समाजका केन्द्रिय अध्यक्ष उमेश भारतीले आग्रह गरेका छन् । एक बर्ष अघिदेखि बिर्तामोडको सरगम संगीतालयमा संगीत सिक्दै आएका अश्विन पढाईमा पनि अब्बल छन् । लाइफ राउण्डमा पुगेका अश्विन भोट गरेर बिजेता बनाइदिन उनका दाजु अनुज भारतीले सवै समक्ष अनुरोध गरेका छन् ।

भारती बन्धु, दशनामी समाज र नेपालीहरुको लागि प्रतिभाशाली गायक बन्न सक्ने  सम्भावना बोकेका अस्विन प्याब्सन झापाले आयोजना गरेको कार्यक्रममा जूनियर गायनतर्फ झापा प्रथम भइसकेका छन् । 

हिमालय टेलिभिजनबाट शुक्रबार र शनिबार साँझ ८ बजेबाट प्रशारण भइरहेको रियालिटी सो द भ्वाइस अफ किड्स नेपालको सिजन ३ प्रशारण हुने गरेको छ । सम्पूर्णलाई भोटिङ समयभित्र खल्ति एप्स प्रयोग गरि भोट गरिदिन समाजले अनुरोध समेत गरेको छ ।